COVID-19: Кыргызстанда бир суткада 58 398 киши вакцина алды
- 3 года мурун
Акыркы такталган маалымат боюнча, Кыргызстанда бир сутканын ичинде 58 миң 398 киши коронавирус инфекциясына каршы вакцина алды.
Алардын ичинен:
Бишкек шаарында — 1733;
Ош шаарында — 754;
Ош облусунда — 43015;
Чүй облусунда — 1519;
Ысык-Көл облусунда — 3402;
Талас облусунда — 1012;
Нарын облусунда — 2005;
Жалал-Абад облусунда — 2991;
Баткен облусунда — 1967.
Бул тууралуу коронавируска каршы күрөшүү боюнча республикалык штаб билдирди.
Алар мындай жыйынтык медицина кызматкерлеринин ыктыярчылар менен тыгыз кызматташтыгынын натыйжасында ишке ашырылып жаткандыгын белгиледи.
Кытайдан «Синофарм» вакцинасынын 1 миллион 200 миң дозасы алынып келинди. Анын 150 миңин Кытай Кыргызстанга гуманитардык жардам катары бекер берген.
Иллюстрациялык сүрөт: Интернет булактарынан.