​Жергиликтүү кеңештерге кайра шайлоо кандай өтүп жатат? (Фоторепортаж)

Мультимедиа

Бүгүн 11-июлда Бишкек, Ош жана Токмок шаарларында жергиликтүү кеңештердин депутаттарын кайра шайлоо өтүп жатат. Буга чейин Борбордук шайлоо комиссиясы, 11-апрелде өткөрүлгөн шайлоо бир катар мыйзам бузуулар менен өткөнүн аныктап, үч шаардык кеңештеги шайлоонун жыйынтыктарын толугу менен жокко чыгарган.

ПолитКлиника медиасы жергиликтүү кеңештерге кайра шайлоо процессин сүрөттөр менен баяндайт.

Добуш берүү Бишкек шаары боюнча 243 АШКда жүгүзүлүп жатат.

Ар бир шайлоо участогунун кире беришинде дезинфекциялоочу каражаттар жана бекер бет каптар коюлган.

Бишкек шаары боюнча 426 миңден ашуун жарандын добуш берүүгө укугу бар.

Бишкек шаардык кеңешинин депутаттыгына жалпы 18 партия ат салышып жатат.



Шайлоочуларга блютендерди тартууга тыюу салынып, атайын комиссия тарабынан көзөмөлдөнүүдө.

Көз карандысыз байкоочулар, шайлоонун мыйзамдуу өтүшүнө көз салып турушат.


Саат 14:00гө карата Бишкек шаары боюнча шайлоого катышкан жарандардын саны 55 миңден ашты. Бул шайлоочулардын 13%ы шайлоого катышканын билдирет.

Белгилей кетсек, Бишкек, Ош жана Токмок шаарларындагы жергиликтүү кеңештин депутаттарын кайра шайлоо үчүн мамлекеттик бюджеттен 48,3 миллион сом акча коротулган.

Сүрөттөр:Гулиза Урустамбек кыз