Элдин саламаттыгын коркунучка кептеди. Активист министрдин үстүнөн арыз жазды

Жаңылыктар

Саламаттыкты сактоо жана социалдык өнүктүрүү министри Алымкадыр Бейшеналиев түз эфирде уу коргошунду ичип, аны пропагандалоо менен улуттун саламаттыгына доо кетирди деген активист Умай Арыкова анын үстүнөн Башкы прокуратурага жана УКМКга арыз жазды.

Ал бул тууралуу twitterдеги баракчасына «министр күмөндүү элдик дарылоо ыкмасын жалпыга жайылтуу менен өлкөбүздүн калкын өлүм коркунучуна кептөөдө. Анын бул аракеттери «адам өмүрүнө атайылап зыян келтирүү» беренесине туура келет. Министрдин компетенттүүлүгү каралып, ага карата кылмыш иши козголушун талап кылам» - деп жазган.