​Нариман Түлеев: “Мен бул жерге 24 саат иштөө үчүн келдим”

Жаңылыктар

Бишкек шаарынын мэри Азиз Суракматов отставкага кетүүгө арыз берген. Мэрдин милдетин убактылуу Нариман Түлеев аткарат.

Бишкектин биринчи вице-мэри болуп дайындалган Нариман Түлеев бул кызматка келүүнү каалаган эместигин айтат. Бул тууралуу, ал бүгүнкү маалымат жыйынында билдирди.

“Азиз Суракматов пандемиядан улам өлкөбүзгө кризистик менеджер керек деп көндүрдү десем болот. 2021-жылдын апрель айында шаардык кеңешке шайлоо болот, ошол убакытка чейин шаарды өркүндөтүшүбүз керек. Негизи эле мен бул жерге 24 саат иштөө үчүн келдим”,- дейт Түлеев.