COVID-19: Жаңы 488 учуру катталды, 15 бейтап көз жумду. Пневмониядан 29 киши каза тапты

Жаңылыктар

Кыргызстанда 13-июлга карата коронавирустун жаңы 488 учуру аныкталды.15 бейтап каза тапты. Пневмониядан 29 киши көз жумду.

Анын ичинен:

Бишкек шаары – 265;

Чүй облусу – 37;
Ош шаары – 45;
Ош облусу – 26;
Жалал-Абад облусу – 51;
Баткен облусу – 43;
Ысык-Көл облусу – 15;
Нарын облусу – 4;
Талас облусу – 2.

Республика боюнча коронавируска чалдыккандардын жалпы саны- 11 117.

Бул тууралуу саламаттык сактоо министрлигинин адындагы коомдук саламаттык сактоо башкармалыгынын жетекчиси Айнура Акматова билдирди.

Коронавирустан бир суткада 73 киши айыгып чыкты. Жалпы айыгып чыккандар- 3460.

Коронавирустан 15 киши көз жумду. Каза тапкандардын жалпы саны-147.

Ооруканадан тышкары пневмониядан 165 киши айыгып чыкты.

Ал эми пневмониядан бир сутка ичинде 29 бейтап каза болду. Пневмониядан каза болгондордун далпы саны 452ге жетти.

ЖаңылыктарКыргызстанкоронавирускатталдыжаңы учур