Мадеминов: Өкмөт жел киреше менен “кыйратып жатабыз” деп айтууда
- 4 года мурун
- Баяндар
Өкмөттүн 2019-жылдагы отчету каралып жатканда, 13-майда, депутат Мурадыл Мадеминов өкмөт баалуу кагаздарды чыгарып, жел кирешени көбөйтүп жатканын билдирди.
-Экспорт 1 млрд 965 млн доллар, импорт 4 млрд 900 млн. Бул начар көрсөткүчкө кирет. Бюджеттин чогуу алгандагы кирешеси 12 млрд.га өстү деп жатасыз.
Ал эми баалуу кагаздарды чыгаруу 2018-жылы 30 млрд 941 млн сом деп турат. 2019-жылга 51 млрд.294 млн деп жатат, 20 млрд сомго баалуу кагаз чыгарып жатасыздар.
Демек, желден алып, чогуу алгандагы кирешени көтөрүп, таңсыктыкты жаап, биз кыйраттык” деген отчет болуп жатат.
Бүгүн, 13-майда, Жогорку Кеңеш жыйынында өкмөттүн 2019-жылдагы ишмердүүлүгү жөнүндө отчету каралды. Көпчүлүк добуш менен отчет жактырылды, 96 депутат токтомго макул, бешөө каршы добуш берди.
