Бишкекте коменданттык саатты эки саатка кыскартуу каралууда
- 4 года мурун
Бишкек шаарында коменданттык саатты эки саатка, 21:00дөн 6:00гө чейин кыскартуу жагы каралып жатат.
Учурда коменданттык сааттын убактысы – 20:00дөн 7:00гө чейин.
Бул тууралуу Жогорку Кеңеш жыйынында Бишкек шаарынын коменданты Алмазбек Орозалиев билдирди.
Бишкек жана Ош шаарларынын, Ош облусунун Ноокат жана Кара-Суу райондорунун, Жалал-Абад шаарынын жана Жалал-Абад облусунун Сузак районунун аймактарында өзгөчө абал 2020-жылдын 30-апрелине чейин узартылды.
15-апрелден тартып Нарын облусунун Нарын шаарынын жана Ат-Башы районунун аймагында 2020-жылдын 15-апрелинен саат 08.00дөн баштап 2020-жылдын 30-апрелине саат 08.00гө чейин өзгөчө абал киргизилди.
Сүрөт: Бишкек комендатурасы.
Муну бөлүшүү
