​Аба ырайы: Үшүк жүрүү коркунучу сакталат

Жаңылыктар

Кыргызстандын айрым жерлеринде үшүк жүрүү коркунучу 10-11-апрель күндөрү да сакталат.

10-апрелде бир катар аймактарда үшүк жүрүшү күтүлөт.

Абанын температурасы:

- Чүй облусунун дыйканчылык аймактарында -3…-5°;

-Талас облусунун дыйканчылык аймактарында -5…-7°;

-Ош, Жалал-Абад, Баткен облустарынын дыйканчылык аймактарында 0…-2°; тоо этектеринде -2…-4°;

-Ысык-Көл облусунун дыйканчылык аймактарында -2…-4° болушу күтүлөт.

11-апрелде түнкүсүн Талас, Ысык-Көл облустарынын дыйканчылык аймактарында -2…-4° үшүк жүрүшү күтүлөт.

Мындай үшүк өрүктүн гүлдөгөн жана гүлдөп гүлү түшкөн бүчүрлөрүнө, данектүү мөмө бактарынын эрте сортторуна коркунуч алып келет.
9-апрелде жааган жана 10-апрелде күтүлүп жаткан жаан-чачынга байланыштуу ашууларда кар күрткүсү жана кар көчкү түшүү коркунучу сакталат.

Бул тууралуу өзгөчө кырдаалдар министрлигинин басма сөз кызматы билдирди.

Сүрөт: Бишкек мэриясы.

ЖаңылыктарКыргызстанБишкекаба ырайыкар