​Ишкана- уюм кызматкерлерин ташууга уруксат алуу шарты жөнөкөйлөштүрүлдү

Жаңылыктар

Эми уруксат алуу үчүн билдирменин формасын толтуруу керек. Анда ким жана кандай максатта уруксат алууну каалагандыгы көрсөтүлөт.

Уруксат алган соң, төмөнкү документтерди көрсөтүү менен блокпосттордон өтүүгө болот:

- иштеген жеринен алынган маалымдама;

- жол баракчасы. Анда кызматкерлердин тизмеси жана толук маалыматы көрсөтүлөт;

- QR-код.

Уруксаат алуу үчүн билдирменин жана жол баракчасынын бекитилген формасы менен www.1312.tunduk.kg шилтемеси боюнча таанышууга болот.

Аталган чечим Бишкек шаарында өндүрүш ишин үзгүлтүксүз ишке ашыруу жана азык-түлүк, медикаменттер жана күйүүчү-майлоочу материалдар менен өз мөөнөтүндө камсыздоо максатында кабыл алынган.

Коронавирус коркунучуна байланыштуу 25-марттан тартып, Бишкек, Ош, Жалал-Абад шаарларында, Ноокат, Кара Суу, Сузак райондорунда өзгөчө абал киргизилген.

Сүрөт: Бишкек комендатурасы.