​Эртең Жогорку Кеңештин кезексиз жыйыны болот

  • 4 года мурун

Эртең, 1-апрелде, Жогорку Кеңештин депутаттары кезексиз жыйынга чогулат.

Бул тууралуу парламенттин басма сөз кызматы кабарлады. Азырынча жыйында кандай маселе каралары ачыкталган жок.

Бүгүн, 31-мартта, экономикалык жана фискалдык саясат боюнча комитет жыйынында салык кодексине киргизилчү бир катар өзгөртүүлөр каралды.

Атап айтсак, Улуттук банк, банктар жана банк иштери жөнүндө, Инновациялык иш жөнүндө, лицензиялык-уруксат берүү жөнүндө мыйзамдарга киргизилчү өзгөртүүлөр жана «Валюталык инфляцияга жана COVID-19дун жайылышына байланыштуу терс социалдык-экономикалык кесепеттерди азайтуу боюнча чаралар жөнүндө» Жогорку Кенеш токтомунун долбоору каралды.

Депутаттар 24-марттагы кезексиз жыйында Президент Сооронбай Жээнбековдун өлкөнүн бир катар аймактарында өзгөчө абал режимин киргизүү тууралуу жарлыгын колдогон токтом кабыл алышкан.

Ошондой эле Жогорку Кеңештин 19-марттагы токтомуна өзгөртүүлөр киргизилип, депутаттар 15-апрелге чейин өлкө аймактарында жергиликтүү тургундар арасында коронавирус илдетине каршы күрөшүү боюнча түшүндүрүү иштерин жүргүзүү чечимин кабыл алышкан.

Сүрөт: kenesh.kg

Муну бөлүшүү

Окшош жаңылыктар

Журналисттик иликтөөлөр

Помочь проекту

договором оферты