Коронавирусту тез аныктоо үчүн 5 миң экспресс-тест алынды
- 4 года мурун
Саламаттык сактоо министрлиги коронавирус инфекциясын тез арада аныктай турган 5 миң экспресс-тест сатып алды.
Бул тууралуу коронавирустун алдын-алуу жана жайылышына жол бербөө боюнча штаб билдирди.
Экспресс-тест финансы министрлигинин алдындагы коронавирустун алдын алуу жана жайылышына жол бербөө боюнча атайын эсептин каражатына алынды.
Анын артыкчылыгы — тест алуунун салттуу ыкмасына караганда, пайдалануунун жөнөкөй, арзан жана жыйынтыгынын тез алынышында.
Аталган тест коронавирусту 20 мүнөт ичинде аныктайт жана вирустун жайылышынын алдын алат.
Эртеңден баштап, адистер экспресс-тесттин жардамы менен иштей башташат.
Бул экспресс-тесттер Кытай, Түштүк Корея ж.б. өлкөлөрдө жакшы натыйжа берди.
Бүгүн Кыргызстанга өзгөчө кырдаал киргизилди.
Кыргызстанда Ноокат, Сузак, Баткен райондорунда жана Бишкек шаарында коронавирусту жуктуруунун 14 учуру катталды.
Иллюстрациялык сүрөт: Интернет булактарынан.
