Кытай менен чек ара убактылуу жабылды, аба каттамы токтотулду
- 4 года мурун
Кыргызстан Кытай менен чектешкен мамлекеттик чек араны убактылуу жапты, аба каттамын токтотту.
Бул тууралуу өкмөттүн маалымат кызматы билдирди.
Мындай чечимди Кыргыз Республикасынын аймагына короновирустун кирүүсүн алдын — алуу жана жайылуусуна жол бербөө боюнча республикалык штаб кабыл алды.
Саламаттык сактоо министрлигинин маалыматы боюнча, учурда өлкөдө коронавирустун чыкканы боюнча такталган учур катталган жок. Республиканын бардык көзөмөл-өткөрүү жайларында, Бишкек жана Ош шаарларындагы аэропорттордо санитардык- көзөмөл пунуттары иштеп жатат.
Бүткүл дүйнөлүк саламаттык сактоо уюму эл аралык өзгөчө абал жарыялады.
Кыргызстанда Кытайда жайылган коронавирустун алдын-алуу боюнча ыкчам штаб түзүлдү.
Ухань шаарынан кийин коронавирустан Хубей провинциясынын тогуз шаары жабылды.
Дарыгерлер дем алуу органдарын сезгенткен жаңы короновирус кишиден жуга турганын ырасташты.
Сүрөт: кыргыз-кытай чек арасы. Интернет булактарынан.
