​Челябинскиде беш кыргызстандык каза тапты

Жаңылыктар

22-январда Россиянын Челябинск облусунун “Троицк” көзөмөл өткөрүү пунктунун жанында жол кырсыгы болуп, андан беш кыргызстандык каза тапкан.

Бул тууралуу тышкы иштер министрлигинин маалымат департаменти билдирди.

Кыргызстандык номери жазылган “Хонда”мащинеси чиркегичи бар “КамАЗ” менен кагылышкан. Алдын-ала маалыматтарга караганда “Хонда” мащинеси Челябинск шаарынан Троицк шаарына бара жаткан.

Ал жактагы башкы консулдук укук коргоо органдарынан алган маалыматка караганда, каза тапкан беш кыргыз жаранынын аты-жөнү такталды

Башкы консулдук кызматкерлери “Мекендештер” уюму менен байланышып, маркумдардын туугандары менен сүйлөшүү жүргүзүп жатат.