Түркмөнстан: ИИМ кызматкерлери арыктоого милдеттендирилди

Жаңылыктар

Түркмөнстан ИИМинде учурда аттестация өтүүдө. “Азаттыктын” түркмөн кызматы кабарлагандай, талаптардын бири - кызматкерлердин салмагына байланыштуу.

Полиция кызматкерлери билдиргендей, укук коргоочулардын салмагы 100 килограммдан ашпоосу керек.

"Оозеки көрсөтмөгө караганда, 25-декабрга чейин арыктай албагандар, чинине карабай кызматтан кетүү боюнча арыз жазууга аргасыз болору тууралуу бардык полиция бөлүмдөрүнө эскертүү берилген",-деди “Азаттыктын” кабарчысы.

Учурда жергиликтүү полиция кызматкерлери дене тарбия машыгуулары менен алектенишүүдө.

ЖаңылыктарТүркмөнстанИИМарыктоо талабы