​Роскомнадзор "Фергана" агенттигинин сайтын бөгөттөдү

Жаңылыктар

Роскомнадзор Орусияда "Фергана" маалымат агенттигине бөгөт койду. Басылма өлкөдө жайылтууга тыюу салынган маалыматтарды камтыган булактардын тизмесине киргизилди.

Бул тууралуу Борбор Азия жаңылыктар кызматы билдирди.

"Фергана" — Орусияда каттоого алынган, Борбор Азия өлкөлөрүндөгү окуяларды баяндаган басылма. Редакция көзөмөл кызматынан эскертүү албаганын жана бөгөттөөнүн себептерин билбей турганын белгиледи.

Басылмага маал-маалы менен Борбор Азия өлкөлөрүндө да чектөө киргизилип келген. Учурда Орусиядан тышкары Түркмөнстанда да "Фергана" сайты бөгөттөлгөн.

ЖаңылыктарРоссия"Фергана" агенттигиРоскомназзор