​Динара Сагынбаеваны үй камагына чыгарышты

Жаңылыктар

Кримтөбөл Азиз Батукаевдин түрмөдөн бошотулушуна байланыштуу камакка алынган Саламаттык сактоо экс-министри Динара Сагынбаева үй камагына чыгарылды.

Бул тууралуу Жогорку соттун басма сөз кызматы кабарлады.

Биринчи май райондук соту 22-майда анын бөгөт чарасын карап, үй камагына чыгаруу чечимин кабыл алган.

Саламаттык сактоо экс-министри Динара Сагынбаеванын камалышына Азиз Батукаевдин рак дартына кабылгандыгына байланыштуу медициналык корутунду себеп болгон.

Бул иш боюнча экс-вице-премьер Шамил Атаханов, Жаза аткаруу кызматынын төрагасынын мурдагы кеңешчиси Калыбек Качыналиев жана бир нече врач кармалган.

Батукаев 2006-жылы оор кылмыштар боюнча 16 жылга кесилген.

2013-жылы Нарындын соту анын рак дартына кабылды деген медициналык корутундунун негизинде түрмөдөн бошоткон.

Сүрөт: Интернет булактарынан.

ЖаңылыктарАзиз БатукаевДинара Сагынбаева