Оор кылмышка шектүү Дөө Чыңгыз кармалды
- 5 лет мурун
Укук коргоо оор кылмышка шектелген Дөө Чыңгыз кечээ, 12-апрелде кечинде кармалганы кабарланды.
Буга чейин Ички иштер органдары тарабынан оор кылмыш ишине шектүү, 1981-жылы туулган Чыңгыз Жумагулов же“Дөө Чынгыз” издөөгө алынганы маалымдалган.
2019-жылдын 9-апрель түнү бети- башынын жаракаттары менен 25-35 чамасындагы эки жаранды Бишкектеги “Камэк” менчик клиникасына белгисиз бирөөлөр жеткирип келишкен.
Алардын экөө тең алган жаракаттарынан улам, ооруканадан көз жумган.
Аталган кылмыш ишине шектүү Чүй облусунун тургундары 1984-жылы туулган Т.М. жана 1981-жылы туулган А.И. аттуу жарандар камалган. Үчүнчү шектүү Чүй облусунун Ысык-Ата районунун Ичке-Суу айылынын жашоочусу 1981-жылы туулган Чыңгыз Жумагуловго (Дөө Чыңгыз) издөө жарыяланган.
Алар уюшкан кылмыштуу топ мүчөсү катары ИИМ каттоосунда турат жана мурда бир нече жолу соттолгон.
Сүрөт: ИИМ.
