​Разаков чек арадагы чатактан жабыркагандардан кабар алды

Вице-премьер-министр Жеңиш Разаков Баткен облустук ооруканасына барып, кыргыз-тажик мамлекеттик чек ара тилкесиндеги чыр-чатактын натыйжасында жабыркагандардан кабар алды.

Вице-премьер тургундар толук сакайып кеткиче медициналык кам көрүлөрүн белгилеп, материалдык жардам тапшырды.

Бул тууралуу Өкмөттүн маалыматтык кызматы кабарлады.

Кыргыз-тажик чек арасындагы жаңжалдын кесепетинен Баткен районунун төрт жашоочусу жапа чеккен.