ЖК комитети чет өлкөлөргө элчилерди дайындоого макулдугун берди

ЖК комитетиндеги жыйында.

Жогорку Кеңештин Эл аралык иштер, коргоо жана коопсуздук боюнча комитети Кыргызстандын АКШ, Россия, Кытай,   Түштүк Корея өлкөлөрүнө элчи дайындоого макулдугун берди.

1. Кыргызстандын Кытайдагы элчилигине — Канайым Бактыгулова;

2 . Россиядагы элчилигине -Аликбек Жекшенкулов,

3. Түштүк Кореядагы элчилигине — Динара Кемелова;

4. АКШдагы элчилигине — Болот Отунбаевдин талапкерлиги жактырылды.

Динара Кемелова учурда тышкы иштер министринин биринчи орун басары болсо, Болот Отунбаев Кыргызстандын Россиядагы элчиси. Канайым Бактыгулова 2013-2017-жылдары Кыргызстандын Кытай менен Монголиядагы элчиси болуп иштеген. Аликбек Жекшенкулов мурда Кыргызстандын Австриядагы элчиси болуп эмгектенген.

Бул тууралуу Жогорку Кеңештин басма сөз кызматы билдирди.

Сүрөт: ЖК басма сөз кызматыныкы.